謝安琪憑《囍貼街》一曲橫掃多個頒獎禮，人紅是非也自然多，早前有報道指她樣貌與3年前的豬膽鼻和單眼皮有所不同，惹來整容疑雲，昨日她出席活動時堅稱沒有整容，又自嘲以前似青蛙還講笑說：「要唔要搣吓我個鼻？」
謝安琪（Kay）昨日以善行大使身份於上環出席港台《香港歷史系列》活動，並與觀眾分享本港慈善團體歷史。Kay直言對歷史有濃厚興趣，有時還會看到哭起來。
化妝服裝配合
早前有報道指Kay疑整容，她表示有看報道，並說：「咁肯定冇整啦！我覺得係化妝、服裝嘅配合好，令我個人靚咗，同埋好多同事嘅悉心幫助，令我喺打扮方面有所提升。」Kay表示自己入行已3年多，年紀也跟以前相差很遠，故外形也會有點不一樣，她說：「化妝係需要時間揣摩，我以前入行嗰陣都係亂咁化，𠵱家打扮方面有信心咗。我個嘴細，報道話我下巴尖咗，應該係我以前箍牙影響到面形。」
堅持素顏示人
Kay直言也有保留以前的照片，還說：「睇番以前啲相都想笑，覺得自己以前好似青蛙。」問到被指整容，日前更素顏出街，是否想以行動證明自己沒整容？她笑說：「要唔要搣吓我個鼻？其實我唔開工，都係唔化妝出街，我覺得唔會太難睇，所以我會繼續素顏賀香江。」
採訪、攝影：林惠卿