一啲熱賣又好用嘅名牌相機，好多時會似波鞋咁推出別注顏色，不過估唔到今次發生在一向作風務實嘅PENTAX之上，呢部「名機」就係全球最細D-SLR──K-m！
今次揀選嘅別注顏色相當激進，竟然係黑白相間嘅熊貓色（官方只叫佢做白色）！須知相機器材多沿用黑色，主因係反光度低，無咁易將相機反映在拍攝主體之上；不過PENTAX話呢部K-mwhite唔只Body咁破格，跟機連Kit鏡──DAL18-55mmF3.5-5.6ALwhite，都採用埋白色主調做設計，要襯埋一Set咁話；機價估計在70,000日圓左右（約$6,000）、1月下旬推出；不過由於係全球限量3,000部，數量唔多，相信新機一嚟到香港，都會有得炒吓。
記者︰朱崇德