阿翁鮑魚喺香港算係薄有名氣，負責人翁仰光賣鮑魚賣到四川，同成都一間酒店合作，由佢親自炮製一圍價值約7萬元人民幣嘅鮑魚宴，以1萬元底價拍賣，籌到款項將捐畀四川大地震小朋友買新年禮物。
呢個鮑魚宴有八道菜，八方只可以用奢華嚟形容，除咗有10隻日本六頭鮑外，仲有關東遼參、頂級花膠、金山勾翅、一級印尼官燕等，酒店話每隻鮑魚成本價要4,000蚊人仔，一圍10隻就4萬蚊，所以呢餐標價7萬蚊冇誇大。
用呢個方法籌款，內地網民就狠批係「朱門酒肉臭，路有凍死骨」，好多人話直接捐款到災區，好過勞民傷財食鮑魚，質疑咁做旨在賣廣告。據網上消息，鮑魚宴截至噚日仲未有人問津。