日本男星小栗旬前年主演改編漫畫嘅真人版電影《熱血高校》，喺日本大收旺場，續集《熱血高校2》將於4月上映。小栗旬噚日同高岡蒼甫等多位男演員，喺東京嘅芝東照宮神社祈求新片票房大收，小栗旬着上日本傳統服裝，率領眾人參拜，佢話新片比上集打得更勁，有信心可以打破上集25億日圓（約2億港元）嘅票房紀錄。