湯寶如早前接受有線娛樂新聞台《主播會客室》訪問，談到現今樂壇歌手質素參差，她批評現時很多新一輩歌手不知所謂、五音不全，唱歌也欠缺感情。回想當年錄《相思風雨中》時得張學友提點改善懶音問題，令她一生受用。不過現在重看《相思風雨中》的MV時，即說：「我一睇見MV中當年嘅自己即刻打冷震，唱K我反而會唱容祖兒同衞蘭嘅歌。」
分手因梁漢文貪玩
湯寶如又重提當年與梁漢文及譚國政的戀情，她否認因譚國政介入而與梁漢文分手，她說：「嗰陣時梁漢文掛住玩，我當時就想，究竟我需要一個成日玩嘅男朋友，定係要個事業穩定嘅男朋友，我覺得我更需要嘅係後者，所以我就向梁漢文提出分手。」
至於有傳湯寶如與黎瑞恩有心病，她則說：「梗係冇呢件事，我哋間唔中會約出嚟打吓牌，順便交流湊仔心得。」
撰文：李全