LCDTV可以話係AV市場競爭最激烈產品，鬥高解像、鬥顏色層次、鬥價錢平……真係無日無之。
最近日本JVC公佈新一代LCDTV原型機（Prototype），新競爭點係超薄又夠輕！一部LCDTV最重嘅地方，首數個玻璃面嘅顯示Panel，JVC表示使用新技術嘅32吋顯示Panel，能減少50%原材料下，製造出僅薄7mm及5kg重嘅Panel，據稱佢一樣能保持高解像度同色彩層次表現（不過詳細數據資料尚未公佈）。
至於Slim嘅好處，當然係放喺屋企唔阻地方，話唔定鑲埋入牆身都仲得，JVC仲話此機仲會起用LED作背光燈，當中有環保節能，以及低熱力散射嘅功效；至於詳細發售日期，暫時就未定。
記者︰朱崇德