金融海嘯後，投資銀行界人人自危，份工真係朝不保夕，但係新一年新開始，投行又開始挖人材。
幫手搞企業融資業務
最新一單係法國巴黎銀行委任陳慶光，做法巴東南亞企業融資部主管，並兼任法巴融資（新加坡）公司嘅CEO，幫集團發大亞洲嘅企業融資業務。
陳慶光之前喺麥格理東南亞區企業融資部擔任董事總經理，過去廿年亦喺紐約、香港同埋獅城幾間國際金融機構擔當管理職位，投行經驗豐富，而且好熟悉衍生工具同埋併購交易，今次法巴搵陳慶光過檔，諗住靠佢龐大客戶網絡搵客，順手建立團隊。
負責搞上市、併購嘅投行絕對係一個超賺錢部門，法巴搵猛人坐鎮獅城，似乎幾睇好東南亞嘅商機。