黃百鳴一向係東方娛樂控股有限公司嘅靈魂人物，但佢上月底已經將東方娛樂嘅1億股權出售，佢𠵱家只係變成第三股東，噚日董事局仲宣佈，由於董事局進行重組，黃百鳴辭任董事局主席，噚日開始由黎碧芝頂替。黃百鳴噚日喺電話回應：「呢個決定唔倉卒，我想擺多啲時間發展電影業務，做主席太多會要開，我遲啲都演番戲，做番主角。」