韓國女星全智賢進軍荷李活嘅首部西片《Blood：TheLastVampire》，將於3月喺美國上映。電影公司噚日公開兩款宣傳海報，全智賢喺戲中扮演擁有人類與吸血鬼血統嘅高中生，其中一幅海報中，賢妹身穿水手校服裙，手持武士刀，有型有款；另一幅海報中嘅佢雙眼發出紅光，造型恐怖。佢上月尾已經飛到洛杉磯，為電影進行後期工作。