上周五戰友畢傑再度命中些路廸[半勝]，令〈早飛倉〉結餘好似近期恆指咁步步高陞，希望唔好只係小陽春；既然貼蘇超順，今次再向周三蘇超埋手，馬瑟韋爾主場對赫斯，平手盤要赫斯。
心水清球迷或者記得，小弟上周六喺「冷藏富」中，貼赫斯主場對喜伯年呢場愛丁堡市打吡戰和局，戰果真係悶和0:0；不過睇番全場統計，赫斯佔咗八成攻勢，十幾次射門，喜伯年頂得住有啲運。猶記得格流之前喺打吡戰失威畀些路廸，結果周日作客大勝恩華尼斯3:0；今次順住條路，博赫斯又先喺打吡戰失威，然後作客贏番波；始終呢班波有心爭入前3名，來季打歐洲賽。
馬瑟韋爾近況好似唔錯，近兩仗取得4分；但主場對強隊好唔掂；主場對前6名球隊，只取得2和3負的劣績，對喜伯年、鴨巴甸都輸埋；今次對住第4位嘅赫斯，亦恐怕凶多吉少。論對賽，馬瑟韋爾近5次主場對赫斯，只得1和4負，而且首循環作客赫斯亦輸2:3，今次開平手盤，唔使我教大家都知買邊隊啦！
唔順氣再追西維爾
周三夜場亦有西班牙盃16強首回合，唔順氣再追西維爾贏；西軍近期連累小弟連輸兩回，作客賽和馬略卡都還好，上仗補時階段失波，被奧沙辛拿迫和1:1，主場痛失2分；好彩佢哋打盃賽有一定水準，連同歐協盃主場4連勝，而且聯賽爭標形勢渺茫，點都要爭番啲盃仔補償；相反，拉科魯尼亞雖然上仗贏基達菲，但連打兩場作客，體力輸蝕；西維爾必趁主場，好好醜醜首回合要領先，決再追西維爾主W。文：牽牛
早飛王貼士
首選赫斯（平）（1.9）
次選赫斯勝（2.55）
早飛倉
主菜：星期三3赫斯（平）（1.9）@2,000
渾水摸魚過關：星期三3赫斯勝（2.55）x星期三8西維爾勝（1.57）2x1@500
今日早飛價錢：-$2,500
上日賺蝕：+$1,000
早飛倉結餘：$102,274
規則：$100,000本錢，每日買早報最多動用$5,000，最少$1,000，逢周二、五見報。
周中早飛重心
星期三7 桑坦德（下）
桑坦德上仗有新加盟前鋒施積入波，以1:0擊敗華拉度列；華倫西亞在西班牙盃只派二線兵，主隊有望首回合保不敗。
星期三10 甘馬雷斯（下）
甘馬雷斯近4仗取得3勝1和，主場亦有擊敗前列球隊歷索斯紀錄；賓菲加前鋒廸馬利亞有離心，全隊近4仗竟交白卷，信唔過。