花旗股市上禮拜五升得勁，刺激噚日亞洲股市造好，港股上日雖然已經升咗655點，但係內地股市重開，打破咗連跌多日嘅悶局，中資股走勢好生猛，帶動恒指再升520點，高收15563，成交大增至494億元，睇嚟港股仲未升完，就算有技術調整，可以短炒嘅股份仲有好多。
國壽（2628）同平保（2318）都升破100日線，但係以成交同走勢論，平保個勢靚好多，短炒平保C輪有得諗。
平保C輪15601：平保噚日報收43元，升8.5巴仙，短線睇51至53元，可以諗吓隻C輪15601，隻輪現價2.08元，有效槓桿1.8倍，正股升上53元，15601可見3元，正股跌穿38.50元，就沽咗隻輪止蝕。
俊樺