啱啱喺MBC演技大獎頒獎禮攞咗終極大獎嘅韓國男星宋承憲，舊年年底將佢喺劇集《伊甸之東》同電影《宿命》入面所着嘅20幾件戲服放上日本網站拍賣，結果籌得4,000萬韓圜（約24萬港元）嘅善款，將悉數捐畀聯合國兒童基金會，憲哥仲話今後會繼續慈善拍賣。另外，佢同電影《1屋誘心人》女星金孝珍早前合作拍攝時裝廣告，兩人表現合拍。