新年假期剛過，從新聞報道得悉，內地民眾消費似乎未受金融海嘯影響，不少商場營業額均見驕人增長，情況比熱衷消費的美國好不知幾多，唔通內地刺激內需措施咁快就見效？
有散戶分析，中國人古往今來鍾情儲蓄，唔似美國人先使未來錢；家陣見到咁多貨品平價促銷，使些少錢消費好正路。星俠對上述見解唔會反駁，事實上近期不少內需股已見異動，其中家電股有留意價值，因中央力推「家電下鄉」，促進城鎮家電換代消費等政策陸續出台，料臨近春節前，家電股應有一番作為。
春節前再炒家電股
創維數碼（751）係內地電視機第二大品牌，市佔率約12%。自去年12月初急升至0.55元後，走勢略見回落，以旗形整固，昨日走勢出現異動，並突破旗形，收報0.47元，成交配合增至1405萬股，可伺機追入，料先試0.55元阻力，如成功突破，下一站挑戰0.66元，失守0.42元止蝕。
方星俠