一年伊始，又係唔少大小商會「轉莊」嘅時候，美商會新一任主席亦都已經有結果──由聯邦快遞（FedEx）亞太區總裁簡力行（DavidL.Cunningham），接替科技大學商學院副院長戴啓思。
新任主席簡力行之前做咗美商會理事4年幾，佢喺FedEx嘅歷史更耐，路邊社消息話，佢喺1982年由一個初級操作員，做足27年上到亞太區總裁呢個位，算係紅褲子出身。
由操作員做起
佢呢個禮拜五就會出嚟見傳媒，咁啱今年亦係美商會40周年，佢會發表演講，向會員同傳媒教路，喺金融海嘯下點樣接受挑戰，等一班美國商人喺逆境中，把握喺香港𢱑銀嘅機遇。