韓國女星朴詩妍噚日大晒美腿，同拍過電影《食客》嘅男星金剛于喺首爾宣傳新片《MarineBoy》，片中兩人更會有床上戲。朴詩妍話嗰場戲拍得幾激，仲自爆有一幕講佢唱歌誘惑對方。留咗鬍鬚一改形象嘅金剛于，就飾演墮落到運毒嘅前國家游泳選手，佢話自己本身好怕水，但偏偏成部戲有兩至三成要喺水中拍攝，令佢想叫救命。