前晚《勁歌》慶功宴上，黃伊汶（Emme）因病提早離場，一名男歌迷上前要求與她合照，該男子的膊頭貼着Emme的胸部，不過她未有任何反應。
嘉欣為緋聞解畫
鍾嘉欣前晚奪得最受歡迎女新人銀獎，她於慶功宴上澄清與肥版馮德倫是認識多年的好友，她說：「以前我喺溫哥華選美識佢，佢係做司儀同埋唱歌，我唔覺得佢追我，將來冇發展機會。」問她事前有否向林峯備案？嘉欣說：「冇關係㗎，我唔識答，你哋問番佢啦。」而勇奪最受歡迎男新人金獎的陳偉霆被指外貌與出道時不同，他笑言：「我好開心大家讚我靚咗，而唔係醜咗。」
前晚擔任頒獎嘉賓的棒棒堂頒獎後便離開，在場有數十名歌迷追車，有fans不小心仆倒。另外，Freeze的陳樂榣由男友潘熾恆駕着Audi房車接走。
採訪：王連連
攝影：黃偉雄、娛樂突發組