新年來了，生活再苦，還是要苦中作樂。也許公司取消了派對，也許今年收到的禮物大縮水，香港仍有些人逆市中對酒當歌。三年前由精算師轉行賣紅酒的梅康妮，在淡市中堅持信念，始終認為香港的紅酒業大有可為。
「我唔係好肯定投資紅酒係唔係必賺，但事實真係好多人相信呢個行業，而且呢類人都係受過高深教育嘅人，佢哋覺得金融市場既然搞到咁，唔炒股唔炒樓，要搵樣嘢投資嘅話，不如揀紅酒。」紅酒商人梅康妮這樣理解金融海嘯中的葡萄酒市場。
被捧成逆市奇葩
最近一再有國際拍賣行看好香港市場，在這裏舉行紅酒拍賣會；又有私人機構開設紅酒課程，報讀反應熱烈。紅色的杯中物，多次被捧成逆市奇葩。梅康妮也有她的親身經歷：「噚日見到個銀行舊同事，下晝三點幾唔係飲咖啡，而係飲紅酒，佢話個人stressed到唔飲瞓唔着。紅酒唔係一般嘅奢侈品，未必喺逆境時就跌市，因為紅酒本身有另一種character。」
一方面，梅康妮承認紅酒最近跌價的事實；另一方面，她依然看好紅酒作為長遠的投資工具。金融海嘯爆發後，貴價紅酒的需求應聲下降，酒客轉攻平價酒：「整體市場一定係差咗，淨係做廠嘅客已經少咗好多。」她說，私人機構的年夜飯顯著減少，不過聖誕送禮的定單尚可，只是公司秘書小姐會格價，會問有沒有halfbottle，婚宴的客人會選擇較平價的酒。
作為長線投資，她說投資紅酒的人有種概念：「就算日後跌價，都可以飲咗佢，邏輯上係冇得蝕。」自從香港實施葡萄酒零酒稅以來，越來越多紅酒拍賣在港舉行：「我見到好多新人加入呢行，一啲本來係我嘅客，𠵱家都變咗我嘅競爭對手；有啲賣開果汁嘅，都轉行賣紅酒，跌價是一回事，市場仍然蓬勃。」
試酒師不虞失業
梅康妮出身精算師，講起紅酒也分外精細：「兩隻波爾多紅酒，味道相差少少，差啲乜呢？可能係呢個葡萄園旁邊有個湖，可能係嗰個場塊地斜咗少少。」眼見經濟逆轉下，不少新面孔報讀紅酒課程，一心想轉行加入酒業，兼職紅酒課程教師的她說：「始終香港個市場仲係好新，𠵱家一間酒店嘅試酒師，月薪平均有2、3萬，係唔錯嘅出路，何況酒店唔會因為金融海嘯而刪減試酒師呢個職位。」
跟買樓一樣，梅康妮建議有興趣投資紅酒的人，稍後入市也未遲。至於有志入行的人，首要條件是，一定要愛飲紅酒。
記者 蔡元貴
投資者拋售 紅酒跌價
國際紅酒指數近月持續下滑，去年11月份較10月份跌了5.5%，較去年同期更跌了11.9%。英國權威紅酒投資指南指出，有「大藍籌」之稱的2005年波爾多紅酒是跌市重災區，以Margaux為例，成交價11月狂瀉一成。就如股票一樣，這些紅酒過往跑贏大市，如今淪為投資者拋售的對象。
國際權威高級葡萄酒價格指數Liv-ex100FineWineIndex的統計顯示，全球紅酒貿易中心的英國，交投依然活躍，11月份的成交量較去年同期上升了56%，主因是英鎊下跌，吸引歐美買家趁低吸納。
經濟欠佳難免波動
但另一方面，市場上賣家比買家多，紅酒價格繼續下瀉，個別紅酒的成交價跌至2007年初以來的新低。
儘管如此，紅酒仍被視為抗跌能力甚強的投資產品。英國紅酒雜誌Decanter's上月份的投資指南指出，雖然紅酒價格指數去年至12月下降了13%，但比同期暴瀉三成的金融時報指數，表現已算不俗。很多紅酒專家都看好今年初的紅酒市場，他們認為大市已跌至谷底，今年一、二月正好是入市時機。不過Decanter's警告，紅酒市場仍將難免波動。