陳松伶噚日下晝到灣仔出席獅子會活動，同一班殘障青少年又唱又跳好開心。有傳松松同男友張鐸喺西班牙結婚，松松話只係傳聞，男朋友仲未係老公住，不過佢甜絲絲話：「春節會同男友返佢家鄉哈爾濱過年，會見到男方家長。」睇嚟佢哋真係好事近。 問陳松伶有冇嗌男友同佢求婚，佢就話自己都有暗示過，而原來佢男友張鐸都喺現場，不過因為怕醜唔肯出嚟影合照。