今年第一個交易日港股大升超過600點，希望係否極泰來嘅徵兆，去年全球股市跌咗咁多，今年如果真係出現反彈，幅度應該唔細。
花旗股市上禮拜五可謂由頭升到尾，奧巴馬就嚟上台，股市有機會繼續炒上。港股今期應該可以食住花旗股市個勢造好，上周五帶住個市炒上嘅滙控（005）同中移動（941）要繼續留意。
中移動C輪14871：中移動上日收81.20元，升4.3巴仙，股價喺100日線徘徊咗兩日之後終於發力炒上，突破10日線高收，短線睇88至92元，可以諗吓隻C輪14871，現價13.5仙，有效槓桿3.5倍。
正股升上92元，14871可見20仙樓上，正股跌穿76元，就沽咗隻輪止蝕。
俊樺