2009年紅盤大升，上月期指結算後，大市走勢果然突破向上，恒指重上15000點大關，大升650多點。
恒指一舉而重上10日線（14710）同20日線（14698）之上，短期若再向好，MACD亦會出現雙牛入貨訊號，開展上升大浪，成交若增至超過500億元，大升之勢更可確認，升破短期下降軌（約在15400點水平），上升目標將指向17500至18000點。
大市向好，短則起碼一兩個月，長期可以去到半年，大市升幅樂觀計雖然只得20%，但個別股份升幅可以好大，特別係大落後嘅實力股，升幅更可能以倍計。
上月初推介復星國際（656），當時股價2.01元，話睇3字頭，短短10個交易日就已達標，其後調整，回落到2.50元水平，上周五又再大幅抽上，高收2.88元，大升0.34元，升幅13.3%，成交亦大增，調整應已完成，係另一次吸入博大堆嘅好機會。
瓣瓣業務受惠國策
中央話到明會再大舉刺激經濟，有9成機會在新春之前出招（好可能本月中），包括減息、減稅同「放水」，目標係要刺激三市（股市、樓市同車市），以及扶助九大支柱產業，包括鋼鐵同有色金屬等。復星係綜企，主力經營4大業務，包括地產、鋼鐵、開礦同醫療，全部都係救市政策嘅受惠者。復星以前被人睇淡，家吓瓣瓣業務都有機會大翻身，股價升番上較合理水平，講緊係幾成至一個開，唔算奢望。
復星08年（12月年結）上半年獲利19.2億元人民幣（下同），每股盈利30分，下半年保守估計只有10億多，全年有30億元人民幣，每股盈利47分，約53港仙，以實力股最保守的PE8倍計，股價已可重上4.20元。
過去3個多月，復星走勢形成一個大圓底，頂部在3元水平，今次破位而上，初步要到4元才有阻力，至於圓底的量度上升目標為4.90元。復星係跌過龍的大落後實力股，07年7月上市時係9.23元，上市後最高見15元，08年10月最低1.13元，即使以短期目標4.20元計，仲係比上市價潛水54.5%，仲係好低；若反彈前跌浪的0.382，股價可重上6.40元，再升一倍。
郭兆誠