唔少人批評香港新一代唔留意時事，尤其係國際大事，但噚日兩個機構分別發表中、小學生選舉嘅08年十大新聞，就發現啲小朋友其實都唔係咁冇國際視野。呢兩個分別由學友社同小童群益會舉辦嘅選舉，各有八萬幾個中小學生投票，結果四川大地震不約而同成為佢哋心目中嘅08年十大新聞之首，其次係內地毒奶粉、奧巴馬當選美國首位黑人總統、金融海嘯等，神七升空、「欄王」劉翔因傷退出奧運，同埋陳水扁貪污案都榜上有名。
反觀本港新聞，就只有藝人淫照案入圍，當選中學生眼中十大新聞第六位。負責機構認為，結果反映香港青少年嘅眼光都唔係咁短淺，唔只關心自己，亦關心國際政治同經濟。