叫銀行放水就話難啫，吸水招攬存戶當然歡迎。農曆新年未到，銀行已開始向未來主人翁嘅利是錢招手。掀起新一輪兒童儲蓄戶口搶客戰嘅係大新同豐明銀行。佢哋新設計咗多啦A夢主題儲蓄戶口，為咗推廣，將架貨車改裝成大雄屋企，喺噚日同今日走勻港九，雖然大新執董藍章華（後排左一）都跟住到旺角同尖沙嘴，但受歡迎程度就唔及多啦A夢囉。據講，多啦A夢一出現，班小朋友即時嘩嘩叫。