今年三色台唔少嘅花旦小生都進軍樂壇出碟，雖然大家都簽唔同嘅唱片公司，但正所謂同行如敵國，你話冇競爭就假嘅。好似「秋秋」同「杏仁糊」咁兩個都係當家花旦，喺電視台已經鬥餐死，估唔到大家又係咁啱今年出碟一齊爭新人獎。
雖然秋秋同杏仁糊喺唱歌上走唔同路線，但可能秋秋始終出碟先，外界先入為主，所以無論銷量同口碑似乎都係佢好啲，好似喺第一場樂壇成績表度，秋秋就撼低杏仁糊贏咗個女新人王，當晚佢仲着到鬼咁性感搶晒風頭，杏仁糊唔知係咪眼紅唔開心，佢喺頒獎禮一半就已經走咗，關仁覺得杏仁糊應該有番啲體育精神，今次人哋贏咗，但可能下次你贏番呢！
Textby關仁