韓國女歌手IVY上月被偷拍到同人氣作曲家金泰星喺雪地擁吻，被網友批評佢利用男方博翻身。IVY前晚喺網誌承認拍拖，話事件令佢諗起前年被舊愛勒索，然後出現好多中傷留言嘅痛苦回憶。佢指韓國女星生活好苦，自己試過為惡意留言而有一死了之嘅想法，仲否認自己貪錢，否則佢就唔會拒絕177萬港元嘅飯局，亦唔會揀金泰星做男友。