本周英超休戰，由英足盃主力，但捉冷門必須有耐性，一場唔得要等下次，淘汰性質嘅盃賽，輸波即出局，下次未必有仇報，故今次集中推介西甲及蘇超的冷門。
西甲經過兩星期歇冬後重開，先推介貝廸斯作客艾美利亞取3分，博下盤同2.75倍冷W；艾美利亞近況甚差，已連續5場不勝，首席射手尼格度受轉會傳聞影響，已經連續4仗交白卷。艾美利亞今次讓平/半又係陷阱盤，翻查今季艾美利亞兩次主場讓平/半，先主場輸0:1畀拉科，然後又只迫和桑坦德1:1，艾美利亞讓平/半，可以恰埋眼博下盤。當然貝廸斯又唔係好精神，近4仗都未贏過，不過兩場作客輸波，對手係華倫西亞同馬體會，屬非戰之罪，今次值得扒冷。
赫斯「和/和」好分頭
蘇超方面，周六早場有愛丁堡市打吡，由赫斯主場對喜伯年；新年前，蘇超就有一場格拉斯哥打吡，格流熱唔透之下，主場輸0:1畀些路廸；今次赫斯主W有2.05倍，同樣尷尷尬尬；如果嫌喜伯年「讓球主客和」「客勝」只得1.7倍冇肉食，誠意推介3.15倍D及4.6倍半全場「和/和」。
文：牽牛