27位中華小姐昨日在荃灣進行「精明消費我至叻」比賽，佳麗們分成4組，每位都各出奇謀，四處選購又平又抵買的貨品，其中最突出要數紐約18號彭瑞霖，在超市選購2折黑色胸圍連內褲套裝。至於哈爾濱8號張燁囗性感蛙后的艷照陸續有來，頓成網上風頭人物。
無綫主辦的中華小姐昨日在荃灣廣場以「精明消費我至叻」為題進行分組比賽，其中澳門13號呂蓉茵因病缺席，餘下的27位佳麗分成四組，在荃灣廣場內用700元購買至平至抵至實用的貨品，最後A組以最有團隊精神勝出。
24號苟芸慧受注目
在比賽中，每位佳麗都花盡心思，想盡辦法揀購特色貨品，當中以紐約18號彭瑞霖最突出，她在台上滿意地展示手上的黑色胸圍連內褲套裝，她用英文說：「外面要着，裏面都要着，好平好抵，2折，我喺超級市場買。」
香港10號陳倩揚帶領同組佳麗購物，她說：「我都會畀機會大家自己揀，其實決賽好快到，比賽之後返到香港，有機會我都想帶佢哋去玩去shopping。」
多倫多24號苟芸慧第一次見傳媒之後，被指是大熱之選，她說：「都係平常心，冇壓力，自己做到最好就算喇！」被指貌似林熙蕾，她則不以為然說：「我知道佢係邊個！不過，有人話我似郭羨妮、周慧敏、宋慧喬，但係我就prefer自己似自己多啲，似我媽咪多啲。」
8號張燁囗熱爆網
父母都是中國泳壇高手的8號張燁囗從小習泳，也是一名蛙泳高手，曾得全國冠軍，擁有健美身段，又曾拍下多輯性感照，如今參加中華小姐比賽，性感蛙后的裸露性感照，頓成焦點，在網上不斷流傳，亦成為網友瀏覽的熱點。
採訪：楊潔雯
攝影：陳慧安
