藍鑽石放假偶然會陪老婆追睇《珠光寶氣》，近日某集講到岳華飾演嘅賀峰，用計打敗由陳鴻烈飾演嘅商場巨人宋世萬，睇兩個老戲骨鬥演技固然精采，但我最深刻係賀峰鬥贏之後吹口哨，寸爆！呢一幕令我諗起當年老董失勢，煲呔都吹口哨，唔知編劇係咪刻意部署，暗寸煲呔？
風水輪流轉，近日民調顯示煲呔嘅民望已跌至新低，再睇佢喺除夕倒數活動，冒住寒風笑容牽強，想當日幾風光，到頭嚟何嘗唔係行緊老董舊路？世上無任何一物可長期妄自尊大，衰嘅亦會物極必反。
侯城連衰幾場，今次遇陣殘嘅紐記，反底啦啩？
讓球：侯城（上）
心得：全城皆知，唔重複囉
近5場往績：WWLWW
藍鑽石
與簡拿華路同日出生嘅囡囡入學，今季大把時間睇波，尤其係意甲。