政壇09年傳出第一單喜訊，公民黨執委曾國豐情場得意，上星期平安夜求婚成功，結束漂泊情場生涯，可喜可賀。
曾國豐透露，佢搵咗九個朋友，當晚以電話短訊每人傳一個英文字畀佢女朋友Doris，夾埋係「MARRYFUNG」，合九人之力，一舉打動Doris芳心，阿豐話暫時未定婚禮日期，預計2010年初，由於係好年，所以都要盡快訂酒席。
Doris曾喺公民黨工作，因此同阿豐結緣。據講當年Doris應徵到公民黨工作，係阿豐親自面試，由請佢到娶埋佢，可見阿豐眼光獨到。阿豐話本來想待確定婚期先將喜訊公告天下，點知Doris家姐整蠱佢，搵商台葛民輝打電話𠱁佢自爆求婚成功，節目播出後，婚訊通天。阿豐修身齊家，八方祝佢政途可以更上層樓。