富貴浮雲，滙豐（005）一年都可以跌4成，「E神」都只係獲音樂頒獎禮銅獎，證明太計較眼前的成敗、擁有的虛榮，心態上擋唔住今次金融海嘯。今日主打的英足盃第3圈亦一樣，英超今季中下游積分極緊湊，現排11位至包尾只有5分差距，部份英超球隊會擔心糾纏於盃仔比賽，會直接影響聯賽生死，認真程度成疑，呢類場合博大霧最妙，首選英冠錫周三主場迎富咸不敗，取冷W亦可，望打響09頭炮。
長假後球員心態難測
不認真程度可從第3圈係英國各級隊伍放假後首個比賽，部份球隊經快車期後，將多遣副選上陣引證；又可從英國各大網站嘅行家，至小弟執筆時似仍在放假，各隊軍情未明，有邊啲借用球員，不獲母會放人出場，又有邊啲主力被收起，球迷直至賽日仍蒙在鼓裏，軍情派嘅波友，都係臨場上網check吓料穩陣啲咯。
不過我賭英足盃，唔會太計較正選陣容，軍情資訊混亂，上場球員心態及狀態經假期後難測，不如在賠率上多花心思。我都唔識點介紹乙組嘅馬爾斯菲係乜水，但係我會博佢哋贏前鋒線傷晒、兼近年常有爆冷出局鏡頭嘅英超隊愛華頓，馬軍主場出擊，有8.5倍可試。
阿仙奴[-1]4串5做膽
講番圖象重心，捧英冠錫周三主場打低富咸，前者位列中游暫無降班壓力，可幸主場特勁，近10戰只敗2仗及失5球，攻弱守強；面對離開小屋球場後近10戰未嘗一勝嘅富咸，「讓球主客和」[+1]超筍，可捧。富咸過去3季未嘗在第3圈法定時間內解決對手，波友宜備忘。
再博一條冷熱4串5，熱選小虎隊為主力的阿仙奴，主場炒戰力不及上季的英冠普利茅夫，冷選除錫周三W外，還有布里斯托城作客內亂的老樸保不敗，及般尼征昆士柏流浪，「讓球」下盤。
再選兩個大冷W串射，馬爾斯菲外，博上屆打入4強的班士利，周六作客韋斯咸再締神話，2串3，玩得過。
近5場往績：WWWLL
蘋果波神
水準有目共睹，長跟必有着數。