3色台深夜會重播劇集，早幾年播嘅《創世紀》更加成為城中熱話，搞到我晚晚追，但近排播嘅多數都唔啱睇。如果可以嘅話，我最想睇番《他來自江湖》。呢套劇有劇情有笑位，而且卡士強勁，有周星馳、吳孟達、萬梓良同埋黃秋生等等，更難得嘅係，連南華足主羅傑承嘅太太梁芷珊亦有客串一角㖭。嚟緊呢一年，希望3色台可以播番啲經典嘅劇集啦。
呢個周末英超聯休戰，讓路俾英足盃。英足盃有過百年歷史，過往有唔少經典賽事，最記得喺88年溫布頓就爆大冷贏咗利物浦捧盃。今晚利物浦嘅鄰會愛華頓作客乙組仔馬爾斯菲，信主隊做到巨人殺手。
讓球主客和：馬爾斯菲勝[+1]
心得：馬仔個細場困死愛華頓
近5場往績：DLLDW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。