踏入2009年，我祝大家新年進步，最緊要係人人都賺多啲。之前我講過對於睇《神探伽俐略》電影版嘅意慾唔係太大，不過睇過嘅朋友都大力推介，就連電台某個晚間時事節目，都攞呢套戲嚟講，搞到我心郁郁㖭！
講番今期推介，現時荷甲歇冬，英超同英冠又要讓路英足盃，所以選擇唔多，我就推介英足盃兩支英冠球隊嘅較量，卡廸夫城迎雷丁開「大」。卡廸夫城一向喺盃賽唔留手，球隊攻力又好，加上雷丁亦係入到波嘅球隊，就算可能重視聯賽多過盃賽，都取入球「大」，兜之前兩次推介雷丁開「大」都失手嘅戰友蘋果波神底。
大細：卡廸夫城「大」
心得：兩隊都入到波
近5場往績：WWLWL
吾中
買嘢講名牌，但賭波一定唔會做名牌奴隸嘅大聯盟女神。