視咖啡如命嘅陳豪噚日出席喺將軍澳電視廣播城嘅無綫節目《品味咖啡》記者會，佢話為咗呢個節目，去咗唔同地方品嚐唔同嘅咖啡，仲話呢次最特別係去咗印尼執貓屎，點解堂堂一個視帝要執貓屎？原來係為咗飲一杯成三百幾蚊嘅麝香貓咖啡。 陳豪仲話屋企收藏咗十幾部咖啡機，仲好大方話緋聞女友廖碧兒都有上過佢屋企飲喎，真係恨死唔少女人囉。