西甲歇冬前大放冷膽，又有5:2，又有「主其他」，捉中就真係夠買樓；相信經過歇冬後冷一冷靜，大冷膽未必多，不過對西維爾主場對奧沙辛拿就有啲feel，串一串西維爾主場贏4:2波膽。
有睇過西維爾作客對馬略卡嘅球迷，相信同小弟一樣一肚火！西維爾嗰種不思進取法，同之前贏皇馬判若兩隊，唔通同馬略卡季初賣費蘭度拿華路畀西維爾，今次報恩送1分護級有關；陰謀論唔好再諗，諗吓西維爾呢次主場又點好過；睇一下西維爾同奧沙辛拿冇咩轇轕，相信主隊冇必要留手，而且西軍火力仍強，今季已有兩場主場勝仗中，單場入到4球，不過4:2仍然未開過；奧沙辛拿聯賽作客5連敗，包括2:4輸畀馬拉加；可以試一試呢個50倍冷膽。
曼城可大勝森林
其他冷嘢方面，英足盃第3圈賽事，在過關推介中，已對周六賽事，曼城主場可大勝諾定咸森林充滿信心；以曼城前仗大勝侯城5:1，盃賽場合，森林早失波隨時亦都輸大大鑊，一於取曼城大勝5:1。澳職近期成為本地波友至愛，雖然技術低落，但起碼鬥志夠，入球量亦大；周日威靈頓鳳凰主場對紐卡素噴射機，博一博「客/主」，有24倍㗎。
文：牽牛