一向對南韓導演郭在容啲戲都有好感，《我的野蠻女友》、《野蠻師姐》同埋《假如愛有天意》都係好出名嘅南韓電影，而早幾日就睇咗《我的機械人女友》，雖然改為日本片，但一樣有郭在容嘅風格。
對於以南韓人拍一套日本片嚟講，今次《我的機械人女友》都算充滿東瀛風格，因為一個完美嘅機械人女友，對於日本《御宅族》男一向係夢想，但當然成套戲都有愛情元素，亦適合普羅大眾睇，最後佈局亦有心思，笑中有淚亦係郭在容嘅拿手好戲，大家不妨租隻DVD番嚟睇。
至於今周推介方面，重心係樸茨茅夫足總盃主場對英冠球隊布里斯托城開「大」。
大細：樸茨茅夫「大」
心得：樸茅主場頻頻開「大」
近5場往績：LLWLL
戰鬥員A
同足球有關嘅周邊物品都鍾愛，賭波就專攻日職聯。