【本報訊】20多名負責九龍灣麗晶花園石屎維修工程的工人，不滿總承建商拖欠80萬元薪金及材料墊支費，昨日罷工抗議，並揚言不出糧不復工。承接有關工程的分判商表示，大判香島建築曾要求員工減薪，才肯出糧，其後甚至「唔認數」。本報昨日未能聯絡香島建築了解事件。
分判商鄧先生表示，麗晶花園石屎維修工程分四期，自去年11月工程踏入最後一期，大判香島建築便開始拖欠鄧旗下25名員工薪金，至今兩個月。由於員工完全沒有收入，鄧曾個人墊支10多萬元給員工應付日常開支，「啲員工都要畀家用，過去兩個月，一毫子收入都冇，點樣生活？」
追薪談判破裂
他指大判對員工追薪一直採取拖字訣，「最初叫員工畀個折頭，先肯出糧，之後直頭唔認數。」員工對公司的回覆非常不滿，昨日在屋苑的花園內拉起抗議橫額，要求大判盡快支薪，警方一度派員到場了解。勞資雙方中午一度開會商討欠薪事件，但談判破裂，工人繼續罷工抗議。