港股去年累積下跌近5成，但最後半個交易日高收，希望係新一年重拾升軌嘅啓示，花旗股市喺最後一日亦顯著造好，港股今年首個交易日可看高一線。
今年第一個月嘅焦點要數花旗，1月20日奧巴馬上台之後，花旗將出現一個強勢政府，推動救市方案更加通行無阻，雖然印銀紙救市有好多潛在風險，但係新嘅救市措施應該可以支持股市炒上。內地A股已經跌咗8日，不過中央再推新措施刺激經濟，短線有機會展開反彈。
新世界C輪15288：新世界（017）上日報收7.86元，升5.5巴仙收市，走勢好靚，又有成交支持，股價料會上試8.50元，破位睇10元，可以諗吓隻C輪15288，隻輪現價19.5仙，有效槓桿2.4倍，正股升上10元，15288可見34仙，正股跌穿7.20元，就沽咗隻輪止蝕。
俊樺