人氣組合Twins自成員鍾欣桐去年初的淫照事件爆出後，便停止所有工作，但依然入選港台全國最佳組合最後六強，而一向和港台關係麻麻的何韻詩就繼續被踢出十優歌手，同公司的劉德華與王菀之雖然得獎卻未有出席，而其公司高層則畀面出席，更聲稱和港台親密。
「第三十一屆十大中文金曲」優秀流行歌手大獎，前晚在銅鑼灣舉行的「全港倒數迎2009」活動中公佈，得獎名單為王菀之、古巨基、李克勤、容祖兒、側田、張敬軒、陳奕迅、楊千嬅、劉德華與謝安琪，其中Twins竟入圍全國最佳組合最後六強。
自從鍾欣桐在去年1月27日爆出淫照事件後，Twins便停止所有工作，但依然入圍，十大中文金曲大會總監馮偉棠解釋：「因為呢個係由全國電台選出來，Twins喺內地仍然有好高知名度，佢哋年頭都有一首歌（《送豬型鼠》），所以係唔受任何事影響。」
華仔菀之唔見影
何韻詩年前未能入選十優，便與港台交惡，今年依然落選十優，與她同公司的劉德華與王菀之得獎，二人未有出席活動，其公司高層陳志光則有到場，問到是否破冰？陳志光說：「凍就凍啲，不過就未有冰，因為港台好保密，所以安排唔到歌手來攞獎，王菀之要喺尖沙嘴做嘢，華仔就喺北京。」不過與王菀之出席同一活動的李克勤也能先到銅鑼灣後再往尖沙嘴倒數。
阿Sa望09順利
之前曾傳不和的容祖兒與謝安琪全晚有講有笑，狀甚老友，完騷後更與張敬軒齊在後台開香檳慶祝新年。此外，蔡卓妍（阿Sa）前晚在荃灣出席倒數活動，問到拍檔阿嬌何時復出，是否有情緒病？阿Sa謂：「希望新一年順利，唔好嘅嘢過去，Twins快啲同大家見面，阿嬌幾好，等接工作。」對於阿嬌的「好天真、好儍」成為金句之冠，阿Sa不作回應。
採訪：胡比、藍嵐
攝影：陳順禎
