周慧敏（Vivian）與倪震下周一（5日）在陽明山莊舉行婚禮，谷祖琳、張達明、古巨基與谷德昭等好友屆時將會出席他們的結婚派對，而Vivian經理人陳志光前晚出席倒數活動，被問到Vivian是否在下周一結婚？陳志光說：「我都係從阿V（周慧敏）手中得到嗰份（倪震寫的）專欄，知道佢哋買咗戒指，我發誓我真係未知佢幾時結婚，但我相信佢會請我飲嘅。」
羽翹祝福倪震
有傳Vivian形象插水，害到個唱也要取消？陳志光謂：「自從發生咗（啜爆）件事之後都冇傾過演唱會嘅事，不過我哋係用佢個名申請場地，我哋1月中會開會，到時就會知道結果。」
此外，羽翹前晚出席在維園舉行的除夕倒數活動，對於倪震與Vivian結婚，她表示沒有收到帖所以不會送禮，並說：「我仲有玩facebook，不過已經唔見倪震，我都祝褔佢，不過如果我個男友係咁我就接受唔到，倪震嗰時約我出街，我嘅父母都知嘅。」
採訪、攝影：胡比