古巨基爭取𢱑銀黃金檔，佢前晚去咗馬來西亞雲頂開騷，同歌迷一齊倒數。基仔除咗大唱自己嘅情歌外，仲唱咗黎明、張國榮同梅艷芳等嘅經典金曲，仲配合埋經典舞步，尤其係扭籮嘅舞姿，令歌迷拍掌叫好。為咗大冧台下嘅fans，基仔話：「馬來西亞觀眾對我好重要，我發現大馬嘅女仔特別靚。」佢咁識賣口乖，難怪歌迷即刻送上熱烈歡呼答謝。