胡定欣（圖）、馬浚偉、黎諾懿同徐淑敏前晚到東港城出席倒數活動，其中馬浚偉、徐淑敏同黎諾懿大展歌喉，但點都唔及胡定欣着上性感舞衣大跳火辣辣嘅拉丁舞搶鏡，佢出色嘅舞技令台下觀眾睇到金睛火眼兼拍爛手掌。馬浚偉表演時就不忘為無綫賣廣告，佢話：「如果大家冇興趣去街買嘢，就可以留喺屋企睇TVB嘅節目，因為免費㗎。」