得到我同牽牛嘅努力，結餘再突破10萬底分。上期畢傑推介嘅昆士蘭獅吼，補時階段先3:2擊敗威靈頓鳳凰，真係險過剃頭；不過今期揀嘅些路廸，相信主場好快可以搞掂登地聯，1.75倍[半勝]定過抬油！
些路廸上仗打吡戰作客格拉斯哥流浪，憑史葛麥當奴建功贏出漂亮一仗，家陣喺聯賽榜排榜首，仲領先格流7分咁多，好明顯隊波信心好夠。完成連續兩場客場賽事後，周六終於喺新一年返主場同球迷會面，相信登地聯勢成箭靶。
登地聯門將快成自己友
早前艾登麥基廸同領隊史特根喺更衣室吵大鑊，結果俾些路廸內部罰停賽兩場兼扣兩周周薪。不過，𠵱家雨過天晴，呢位愛爾蘭國腳翼鋒終於獲解凍，可以對登地聯時復出；加上史葛麥當奴及森馬拉斯等人腳風又順，就算冇咗養傷嘅中村俊輔，問題都唔太大。最重要係，今季表現相當出色嘅登地聯首席門將沙路斯卡，已落實今夏轉會些路廸，呢場波喺新老細史特根面前，沙路斯卡應該識做啦。
仲有呀，原來些路廸係「半勝王」，尤其喺主場出擊戰績更加勁。聯賽計埋歐聯同蘇聯盃，14場主場贏咗10場，當中佔咗9場半場已經可以領先對手；就算強如曼聯，半場都要喺些路廸公園落後0:1，就知些路廸上半場習慣咗狂攻對手。既然[-1]嘅「主勝」得1.95倍，要博些路廸贏兩球，我寧願博半場提早收錢好過。
過關腳我揀番西甲場次，要周日馬拉加主場擊敗希杭，開1.85倍W。馬拉加一向靠攻擊鐵三角巴夏、艾利素及杜達數糊，咁啱3人近期都叫頻頻入波，唔使擔心主隊攻力。希杭今周就「責使」，攻擊同防守主力卡美路及馬達保拿都停賽，輸得。文：畢傑
早飛倉
主菜：星期六37些路廸[半勝]（1.75)@2,000
渾水摸魚過關：星期六45巴塞隆拿和[-1]（4.2）x星期日8馬拉加勝（1.85）2x1@500
今日早飛價錢：-$2,500
上兩日賺蝕：+$2,264
早飛倉結餘：$101,274
規則：$100,000本錢，每日買早報最多動用$5,000，最少$1,000，逢周二、五見報。
早飛王貼士
星期六37 些路廸vs登地聯
首選 些路廸[半勝]（1.75）
次選 些路廸勝[-1]（1.9）
周末早飛重心
星期六1 阿德萊德聯大（1.59）
「阿聯」戰畢世冠盃後更可專注澳職聯，上仗小勝珀斯光輝明顯體力不繼，今返主場對防線中門大開的FC悉尼，「大」最穩。
星期六45 巴塞隆拿和[-1]（4.2）
巴塞歇冬前確實銳不可擋，但歇冬後未知會否下滑，加上美斯及伊度奧賽前才歸隊，冷吼小勝開「和」。
星期日16 國民隊[半和]（2.05）
國民隊主場一向硬淨，有機會頂得住半場不敗；波圖作客攻力不及主場，博兩軍半場悶和0:0，取2.05倍[半和]。