新聞人物鍾鎮濤（阿B）前晚帶女友范姜、大仔鍾嘉浚、女兒鍾嘉晴及鍾懿一家五口現身荃灣如心廣場出席倒數活動，阿B落台親吻女友，又拖兩名女兒上台合唱，范姜則在台下拍照，場面溫馨。
有報道指阿B乘工作之便、偕新歡Maggie到西安偷食，阿B前晚受訪時解釋說：「個女仔係大會安排嚟接待我，我都係去到當地先識佢。早一日上去係因為想參觀博物館，因為我鍾意啲古老嘢。」他謂事件已交由律師處理，范姜則形容事件得啖笑。同場的彭健新被問及可相信老友曳曳，他說：「唔會啩……唔會呢。」
阿倫嘲老友愛嫩口
此外，譚詠麟、李克勤、何韻詩前晚也在中環出席煙花滙演，阿倫被問到阿B北上偷食事件，即謂不認識Maggie，他說：「大家誤解啫。佢（阿B）最近鍾意啲嫩口嘅，鍾意啲4歲嘅，鍾意鍾懿（阿B女兒）囉！」
採訪：MaKinWah
攝影：EdwardChou