金融海嘯，人人緊縮開支，食開鮑參翅肚的，都要慳住慳住。最近名苑酒家為慶祝荃灣新領域廣場開新店，特別推出魚翅鮑魚「燕」，每位只需$198/2位起（原價$368），就可以嚐盡名廚莫翠星主理的富豪宴，包括有五頭鮑（澳洲罐頭鮑魚）、皇燒翅（用足3両的南非金山勾翅）及燕窩等名貴食材，認真抵食。
址地：荃灣西樓角路1-17號新領域廣場1樓1號舖 查詢：24985829（名苑酒家）
