汪明荃（阿姐）噚日接受商台節目電話訪問，身為香港八和會館主席嘅阿姐為粵劇界嘅前路感到擔憂，因為新光戲院將於農曆新年後俾業主收回，到時粵劇界就少咗一個演出場地。阿姐坦言現時要睇政府點同業主交涉，佢話：「我𠵱家遇着兩個好麻煩嘅人，次次都俾人鬧，個業主仲叫我唔好搵佢，佢真係唔爽快。其實政府都有做嘢，但係就好慢。」