08回顧
新一年了，寸啲講句，做旅遊記者，最憎亦最多人問嘅問題係：「有邊度好玩？」
去玩，你鍾意玩乜鍾意乜嘅文化，鍾意邊種玩法都差好遠㗎喎！個個唔同點答呀？2008年又過，不如我一口氣回顧吓自遊人舊年去過邊做過乜，讀者們埋嚟睇埋嚟揀，睇吓邊個地方啱你喇！
記者：陳慧敏
攝影：陳盛臣、部份相片由受訪者提供
呆住度假
Juno，歌手、ChapelofDawn創辦人
喜愛旅遊點：泰國、日本、巴黎FashionShow
「我最鍾意去泰國hea。我有個泰國朋友，喺布吉附近有個私人小島，所以我愛去佢度放假，就喺房hea、去沙灘曬太陽、發呆，咁就過3日。」喔喔喔！私人小島！「除此以外，難忘的還有去日本青森時參加祭典，去岩手縣食到一枱都係的碗仔蕎麥麵Wakosoba，跟住又參加青森市佞武多（Nebuta）祭，幫手托囗囗囗
山車，但最推介都是在仙台吃的燒牛舌。二次大戰後美軍大量消耗牛肉，剩下大堆牛舌牛尾，於是仙台牛舌店不斷增多至出現一條牛舌街。有些店家堅持用脂肪份量剛好的美國牛舌，有些則用高級『仙台牛』來做牛舌料理，鮮香味道令人難忘。」
無目的旅遊
林慧美，曾出版《日本田舍散步紀行》、《激安遊東京》、《東京島旅日誌──伊豆諸島北部》、《另一個東京》等書
Blog： http://hk.myblog.yahoo.com/may-lam/article?mid=11407
喜愛旅遊點：日本
每次同日本村姑林慧美傾偈，她的經歷總令我笑全場。去年7月，佢搞了個《與日本村姑林慧美流落異鄉第一彈》，帶5個團友去新潟縣秋山鄉，一個唔多覺旅遊書介紹過的地方，有咩睇？「唔知喎！去咗先算啦！」去的原因，是那邊出產的月光米很好味。「在村裏遊蕩幾日，路上可以人影都無，全村只得兩間Soba店。」
4月再出發
「當時，我們只是四圍蕩，找村民傾偈，問到得意料就即刻去，我哋仲去咗民宿主人個小菜園摘青瓜食㖭！離大路不遠有條溫泉小河，村民會搵石仔圈個範圍出來，打大赤肋泡溫泉！」無目的旅行，有冇試過撞板？「最衰嗰次咪瞓街囉！不過成十年前嘅事喇！」她的《與日本村姑林慧美流落異鄉第二彈》預計4或5月出發，一架7人van的限額，日期地點天數未定，有興趣者留意她的blog啦！
愛到定居
阿剛，西藏風轉咖啡館老闆之一
Blog： http://www.spinn.cn/blog/
喜愛旅遊點：西藏
「首次進藏是2001年8月，一留便是3個月。在西藏生活越久，越是喜歡西藏人的樂天知命、對宗教的熱誠，為了心頭願，在大昭寺前磕幾十萬個長頭。有人問：『不浪費時間嗎？』我反問：『難道每天工作十幾個小時，就不浪費時間？』在西藏，搭訕是一種藝術，隨便在茶館喝茶，旁邊的人都願意跟你打開心窗聊天。我喜歡這塊土地，到甚麼程度？2006年我和朋友踏自行車由泰國重來西藏，決定在此定居，開了一家咖啡館，現在學習西藏語。朋友說：『你上輩子可能是藏族人。』我不知道，但這樣也挺浪漫。」
去勻巴黎藝術館
王菀之，創作歌手
喜愛旅遊點：印度、巴黎
「去年最難忘是跟奧比斯去了印度做探訪，因為可擴闊眼界。沿路見到好多好瘦、或搬石頭的小童，亦有瘦得沒法想像的牛在路上走動，真的感受到自己的生活很幸福。另外，我又去了巴黎，整整6日我幾乎將旅遊書上的景點、博物館、美術館跟藝術中心都走遍了！其實巴黎人並不是別人說的那般沒禮貌、不說英文的，最重要是你怎樣跟人溝通。我曾學了點法文，嘗試有禮貌地用別人的方式溝通，那麼人家還是很樂意用英文跟你說話。」
作嘔觀鯨團
余廸偉，903《五天精華遊》主持
Blog： http://blog.my903.com
喜愛旅遊點：悉尼
「我成日去悉尼，去年仲參加咗個4小時觀鯨團。我從未坐過咁拋的觀鯨船，真係好似海盜船咁大起大落，搞到個個都嘔！不過因為係觀鯨旺季，呢一程見到最多鯨魚同海豚，連鯊魚都見埋㖭！鯨魚一家三口有大有小一齊擺尾，個情景真係好壯觀呀！」
三藩市餵海獅
阮小儀，903《架勢堂》同《AiShiTeRu》主持
Blog： http://hk.myblog.yahoo.com/jw !0GxR3pOZGQPxCeNNhKBrfQE-
最喜愛旅遊點：三藩市、北海道
「我有好多親朋戚友搬咗去三藩市，那兒好寧靜，我直情諗過退休時搬去住都好喎！我鍾意去漁人碼頭食海鮮，而且要黃昏時候去，因為海獅海豹會一齊返晒碼頭，而碼頭上就會有好多人攞定魚餵佢哋，好得意㗎。」
搏命買《NottingHill》
BU，903《五天精華遊》主持
Blog： http://blog.my903.com
喜愛旅遊點：英國
「我去邊度旅行都會買隻唔同版本的《NottingHill》的碟，去到倫敦，只係用2、3鎊就買到隻碟喇！在公餘時間當然係搵戲中嗰間書店啦！我攞住隻《NottingHill》碟周街行，間書店本來就唔易搵，沿路的英國人同旅客都指住我隻碟喺度笑，知我搵緊嗰間書店，然後指我去囉！」
婆孫西湖賞花
卓韻芝，自由寫作人
喜愛旅遊點：杭州、老撾
「去過老撾探山區小朋友，同佢哋一齊去小溪捉小蝌蚪，十幾粒小蝌蚪刮去內臟加粗鹽同野草就可做晚餐。後來又跟婆婆去了西湖同上海，去嘅都是大路旅遊點，但西湖邊有好多我哋覺得差唔多樣的花，但婆婆就每種都認得和逐款教我哋。」
我愛婚照浪漫景
Jolin，歌手、台灣觀光旅遊代言人
Blog： http://blog.sina.com.cn/jolin
喜愛旅遊點：台灣
「我的朋友聚在一起談的是拍婚紗照！我鍾意台灣的婚紗，愛國東路、中山北路一街都係婚紗店，還有淡水、北海岸、墾丁、合歡山等這些景點好靚好浪漫，啱晒拍照。如果到自來水博物館、台北光點、台北故事館，你肯定會被濃濃的異國風情吸引！」
被狒狒打劫
徐靜蕾，藝人、出版《公開，老徐的英文南非書》
Blog： http://blog.sina.com.cn/xujinglei
喜愛旅遊點：非洲
「去年跑了一趟南非，對這裏的第一印象就是陽光！滿眼的陽光，風景太漂亮了，最吸引我的是美食，還有好喝又便宜的葡萄酒。但最有趣的是在南非太陽城酒店時，我的房間被狒狒打劫了！當時我們剛在酒店吃過早飯，聽說同行的幾位同志還有我的房間都被狒狒洗劫……房間裏人仰馬翻，這才發現窗戶上有英文提示：外出時不要開窗。」
尋找烏冬鄉
劉心悠，藝人
最喜愛旅遊點：日本四國
今年心悠因拍劇關係去了日本最北的稚內市Wakkanai。這個海邊城市在5月海膽季可食到又肥又大的海膽，6、7月份會有滿園的薰衣草。還有去四國香川縣，尋找這裏有名的贊歧烏冬同湯底。這個人口只得百萬的「烏冬鄉」居然有近900間烏冬麵店！用當地特產的小麥做的麵條，以及沙甸魚作的湯底，連一個淨烏冬，味道也會令你難忘！
