鄭秀文早前到上海宣傳新片《大搜查之女》，之後佢同工作人員到當地嘅鎮寧路一家飯店晚膳，當時鄭秀文喺三樓包廂開餐，門外有飯店保安守候，其間有記者想衝入包廂影鄭秀文，兩名保安員阻止，仲用腳踢向記者腿部，事後公安到場了解。鄭秀文唔知發生衝突事件，佢話：「事發後有記者問我呢件事，我都好驚訝，希望佢哋早日康復！」