范冰冰前年入稟控告北京一間醫院，喺未得佢同意，喺網上賣廣告話「范冰冰整容暑期特別奉獻」，冰冰為保名譽，要求對方賠償約136萬港紙。舊年件案開審，院方竟然話呢個「范冰冰」唔係藝人范冰冰，而係河北籍嘅范冰冰，但又搵唔到呢個河北籍范冰冰出庭。據內地網站報道，案件日前作出一審裁決，院方需向范冰冰賠償約11萬港紙。