食到09：<br>全角度　飽睇煙花

食到09：
全角度　飽睇煙花

每年除夕倒數，銅鑼灣時代廣場一帶必定萬人空巷，確實逼得太緊要。辛苦了一整年，不如安安樂樂坐低食餐飯，睇住煙花迎接2009。今晚「除夕倒數詠香江」中環IFC將會幻化成倒數塔，除了有五分鐘煙火表演，今年更在外牆裝了LED燈展示2009倒數！要觀賞壯觀倒數煙花美景，其實兩岸都有靚位。

記者﹕吳允冲
攝影﹕梁世權、陳陶鈞
模特兒﹕KikoO、Jason、Christopher、SaKwan@StageModels

除夕餐
對正IFC　八點半食到子夜

於IFC對岸的尖沙嘴，是觀賞煙花的最佳地點，位於海港城4樓的Spasso，露天位面對無敵大海景，部份座位更對正IFC，真係抬頭就睇到煙花。Spasso的除夕套餐用料是名貴，但價錢亦貴。頭盤及甜品都以buffet形式供應，頭盤有：生蠔、三文魚、凍肉片、沙律、芝士……加上意粉及主菜，份量相當驚人，更奉送香檳一杯，真的可以從八點半一直吃到十二點，只要你的胃部有空間。
餐廳大廚來自威尼斯，是一個對食物很執着的藝術家，主理的意大利菜口味地道；必試的有黑松露菌南瓜芝士迷你通粉，通粉煮得aldente，手法正宗。大廚說傳統威尼斯人新年會吃得較清淡，只吃魚和蔬菜，不過為了遷就港人口味，主菜亦有黑椒牛柳可供選擇。

■Model背後就是昨晚2009試燈中的IFC，但對到正的枱只有幾張，訂枱時請註明。

■甜品buffet有慕絲、燉蛋、布甸等；推介意大利新年蛋糕，可蘸香橙芝士醬吃。

■地中海紅鯡魚柳肉質鮮嫩，鋪面的「鱗片」其實是煎得香脆的薯仔，一軟一脆口感豐富。

■黑松露菌南瓜芝士迷你通粉香氣四溢，就算忌廉汁較膩口也令人欲罷不能。

SPASSO（27308027）
尖沙嘴海港城海洋中心4樓403號舖
註：晚餐由8:30pm開始供應，$888包一杯香檳、$1,450任飲紅白酒香檳。

銅鑼灣倒數派對

香港人有多愛湊熱鬧，看看時代廣場的倒數盛況便知。奈何要在街頭亁等一晚，又逼又悶……銅鑼灣的另一端百德新街，KingParrotGroup旗下的餐廳ELCID、IThai及IslandSeafood便合辦了有一個倒數派對，就算不光顧裏面的餐廳，十點半後亦可以去湊湊熱鬧，有表演助興及棉花糖等小食酒水供應，街尾位置更可遠眺國金的煙花表演。其中的IslandSeafood除夕套餐有四道菜（$525），份量剛好，勝在有氣氛，吃得開心暢快。

■焦糖朱古力片有果仁、慕絲、餅底三重口感，配上富芒果香甜味的慕絲，味道很夾，入口絲毫不漏。

■三款主菜（前至後）：澳洲和牛西冷、煎鱸魚柳、燒珍珠雞。

■除套餐外，亦可散叫海鮮及生蠔。

■倒數派對場面熱鬧非常，更有表演助興。

IslandSeafood&OysterBar（29157110）
銅鑼灣百德新街58-64號C　
註：首輪6:30-8:30pm、次輪9:30pm-12mn

國金豪華倒數

位於IFC內的HOne意大利式除夕套餐有六道菜（$1,688），用料絕對矜貴：魚子醬、黑松露、龍蝦雲吞等不貴不吃。晚飯後可去中環碼頭倒數，感受煙花在頭頂爆發的震撼。

■Oscietra魚子醬夠晒矜貴，魚油鮮美絲毫不腥。

■意大利煙鱘魚

HOne（28050638）
中環IFC商場2期4樓4008號舖

無敵煙花海景意菜

位於海港城的意大利餐廳HABITU除夕套餐（$798）足足有六道菜，賣相精緻，菜式亦較有特色，如紅蝦烏魚子意大利飯、焗鵪鶉釀鮮無花果等。餐廳專享無敵海景，難怪長期被情侶佔據。

■安康魚帶子大蝦

HABITU（31010901）
尖沙嘴海港城海運中心地下OTG63

■遼闊海景屬約會首選。

自助餐海傍和牛半自助餐

若嫌套餐選擇不多，尖沙嘴其實有很多除夕倒數buffet，如享無敵煙花景的堤岸，當中自助餐必備的海鮮盆及甜品當然不少，每位更有主菜和牛西冷及釀龍蝦半隻，焗龍蝦以龍蝦肉混合芝士及黑松露忌廉汁，再釀回龍蝦殼內，伴以法式焗薯及燴日本蘑菇，入口creamy得來啖啖龍蝦鮮味。另外，除夕倒數派對於十點開始（至凌晨一點），任飲套餐$450，六人同行更可獲香檳一支，氣氛夠free，啱一大班朋友開party。