2008走到盡頭，假如，時光可以倒流，2008重run一次，你不禁滿肚疑問……
假如雷曼得美國政府打救，跟AIG高層一樣用公帑豪華度假打獵做spa，那麼金融海嘯，會推遲到明年幾時才大爆煲？
唔使破產，雷曼迷債長賣長有，苦主不存在，只有笑口常開的銀行存戶，工展會的貴價鮑魚會不會一日之內銷清？貝沙灣豪宅會不會三萬元一呎？基金和地產經紀納千萬元薪俸稅成為打工天王？
避過四川地震，做埋北京奧運開閉幕VIP觀眾，忽然心血來潮在八月尾賣晒股票和物業的KingofCash，會不會依然裁員、減工友雙糧，甚至索性執埋幾間內地廠，明明有銀用偏偏拖欠民工半年薪水，諗縮數全家搭頭等機位避走溫哥華？
人心肉做沒有痛過就不曉得惜身，2008從頭來過，錯誤仍然會重犯又重犯，針拮到入肉才知大鑊。歷經這個多事的2008，雖然讓人周身針窿，痛到黐肺，但一針驚醒夢中人，四叔比靚太更唔易做。2008最後一天，恭喜你成功擺脫A貨闊佬的幻想，做回自己。