苗僑偉（三哥）、黃日華、任達華、鍾鎮濤（阿B）、湯鎮業及李純恩等，昨日於灣仔錄影無綫節目《名人飯堂》，三哥表示十分難得一眾好友聚首一堂，問到是否獨欠梁朝偉及劉德華，三哥說：「偉仔本身都好少聯絡，華仔就忙工作。」
「此鎮不同彼震」
由於眾人均保養得宜，更表示絕無中年危機，阿B更笑指曾被不少年輕女fans撩，問到女友范姜會否擔心時，他說：「人哋撩唔通唔畀人撩咩，咁傾吓偈就可以。佢一啲都唔擔心，而且我唔會咁離譜，我已經戒咗色，都唔係嗰樣嘢。」
阿B又表示日日攬着三個女性已無手再攬其他女性，他說：「此鎮不同彼震，我屋企已經有三個唔同年紀嘅女性畀我攬，我已經好滿足。」任達華同樣表示自己雖然經常有靚女於身邊，但本身乃絕緣體故不會被誘惑。
採訪、攝影：王崇穎